2618/2022-2023
Mamit, the 11th November 2022: Vawin chawhnu khan Governor Hari Babu Kambhampati chuan Mamit District chhung a Central scheme - PMAY(U) leh PMUY hnuai a beneficiary te a tlawh a. Insak leh gas connection atana tanpuina dawng tu te chu an inah te lenglutin an hmalak dan, an senso leh sawrkar tanpuina an dawn chungchangah an lungawi em tih te a zawt a ni.

PMAY(U) hnuai a in satu te chuan Governor hnenah an chenna in sak nan sawrkar in scheme tha tak a ruahman chu lawmawm an tih thu an lo sawi a. In la sak zawh loh te pawh a tlawh nghal bawk a. In sa mek te hian sum hlawm hmasa chu an dawn tawh thu sawiin a thawhhnih an dawn leh thuai erawh an mamawh tih an sawi a ni.

PMUY scheme hnuaia eirawngbawlna gas dawng tu te pawh an inah lutin an ngaihdan te a zawt a. Pradhan Mantri Ujjwala scheme hi Prime Minister Pu Narendra Modi in hmeichhia te hriselna na a ngaih pawimawh avang a siam anih thu a sawi a.Hmeichhiate an lo hrisel zawkna atan leh hmeichhiate chawikanna atan PMUY scheme chu duan anih thu a sawi a ni.

Governor chuan sawrkar laipui atanga hamthatna dawngtute chu a lawmpui tih a sawi a. Beneficiary te chuan an thiante tanpuina dawng awm nia an hriat dawng rih lo an hriat chuan heng scheme tha tak tak chungchang te hi hrilh ve turin a chah bawk a ni.

Governor Hari Babu Kambhampati hi Pu Lalnunhlua, Deputy Commissioner leh Pi Lalthangpuii Pulamte bakah senior official ten an tawiawm a ni.