Mizoram Governor Lt. Gen ( Rtd) M.M Lakhera, PVSM, AVSM,VSM chuan nizan khan Vanglaini Chanchinbu buatsaih Mizo Award chu Mizoram Chief Minister hlui Brig T Sailo hnenah a hlan. Hlanna inkhawm hi Art and Culture Multipurpose Auditorium, Beraw Tlang ah neih a ni. He Award hian cheng nuaikhat leh no mawi a keng a ni.

Governor chuan chawimawi phute chawimawi nachang hriat te, chawimawi tlakte entawn nachang hriat te hi hnam changkang zia a ni a ti a. Mizo Award dawng hmasa bertu Mizoram Chief Minister hlui Brig T.Sailo chu amah pawhin a mi ngaihsan anih thu leh  chawimawina dawng tur phu tak nia a hriat thu a sawi.

Mizo Award dawng tur hian Nomination Committee din a ni phawt a, an ni hian chawimawi phua an ngaih mi 7 an chhawp chhuak a, chhawpchhuate chanchin zir chiang a, award dawng tur mi pakhat thlang chhuaktu tur Selection Committee siam leh a ni. Selection Committee hian uluk taka an zir chian hnuah secret ballot in award dawng tur hi thlan a ni.

Mizo Award atana nominee te chu C.Pahlira, C.Rokhuma, Rev. H.S Luaia, Lalhmingliana Saiawi, Sangthankima, Brig T. Sailo leh Rev Vanlalnghaka te an ni.