Pu Zodintluanga, Minister Sports in vawiin chhun dar 12:00 khan Chhangphut Field Champhaia V.L. Chhandama Memorial Inter Branch YMA Football Final Match kick off chu khuallian niin a hmanpui.
Pu P.C. Zahlira President, Champhai Sub Hqrs. YMA kaihhruai programme ah hian thusawiin khuallian Pu Zodintluanga Minister chuan official te leh mipuite chibai bukin a tupa hriatreng nana he tournament buatsaihtu Pu Vanlalhmuaka chu lawmthu hrilhin Champhai leh a chhehvela thalaite hmasawnna tur a buatsaih chu ropui a tih thu a sawi a. Thalaite mamawh hretu Chief Minister Pu Lal Thanhawla'n Zoram thalaite hmasawnna tura central sorkara a hmalaknate a tarlang.
Champhai District in sports lama hmasawnna a hmuh mek Boxing Ring thar te, New Champhai Sports Complex thar te, VL Lawma Indoor Stadium (VANIS) te sawilangin Chhangphut field laih thatna tura ruahman cheng nuai 50 pawh dah fel vek anih tawh thu sawiin tun atanga hun reilote ah Champhai Zotlang Field pawh a bul ram lei belhin 400 metres, 8 truck lane a siam tum anih thu a sawi. Mizo thalaite talent neih that thu sawiin khuallian Pu Zodintluanga chuan chung zingah chuan shooting hi kan thiam zawng tak a nih thu a sawi a. Tunah hian Aizawl leh Lunglei Shooting Gallery hi siam a ni tawh a, Champhaiah pawh Shooting Gallery hi siam thuai tura ruahman a ni bawk tih sawiin thalaite chu heng infrastructure kan neihte hi hmang tangkai turin a fuih a, mahni invawn nan te, sum lakluh nante hmanga ti hlawhting tur te, tumruhna leh insumna nen hmalam pan turin a chah a ni. Vawiin Final Match hi Vengthlang North leh Hnahlan Branch YMA ten an khel a ni.
Minister hian tukin zinglam khan New Champhai Sports Complex sak thar leh Kahrawt venga VANIS sak mekte a tlawh a. Chawhma dar 11 khan Tlangrawta SSA Academy hmuna boxing ring thar Rs. 2,56,200 man chu a hawng a. Helai hmuna hman tur electric, tui thianghlim leh toilet te a rang thei ang bera dah anih tur thu a sawi a. Pu Zodintluanga hian vawiin tlai khan Champhaia a department chan office te a tlawh a, naktuk hian UD & PA hmalakna zingami mirethei in sakte a tlawh kual anga, chawhnu lamah Aizawl panin Champhai a chhuahsan ang.
Champhai District in sports lama hmasawnna a hmuh mek Boxing Ring thar te, New Champhai Sports Complex thar te, VL Lawma Indoor Stadium (VANIS) te sawilangin Chhangphut field laih thatna tura ruahman cheng nuai 50 pawh dah fel vek anih tawh thu sawiin tun atanga hun reilote ah Champhai Zotlang Field pawh a bul ram lei belhin 400 metres, 8 truck lane a siam tum anih thu a sawi. Mizo thalaite talent neih that thu sawiin khuallian Pu Zodintluanga chuan chung zingah chuan shooting hi kan thiam zawng tak a nih thu a sawi a. Tunah hian Aizawl leh Lunglei Shooting Gallery hi siam a ni tawh a, Champhaiah pawh Shooting Gallery hi siam thuai tura ruahman a ni bawk tih sawiin thalaite chu heng infrastructure kan neihte hi hmang tangkai turin a fuih a, mahni invawn nan te, sum lakluh nante hmanga ti hlawhting tur te, tumruhna leh insumna nen hmalam pan turin a chah a ni. Vawiin Final Match hi Vengthlang North leh Hnahlan Branch YMA ten an khel a ni.
Minister hian tukin zinglam khan New Champhai Sports Complex sak thar leh Kahrawt venga VANIS sak mekte a tlawh a. Chawhma dar 11 khan Tlangrawta SSA Academy hmuna boxing ring thar Rs. 2,56,200 man chu a hawng a. Helai hmuna hman tur electric, tui thianghlim leh toilet te a rang thei ang bera dah anih tur thu a sawi a. Pu Zodintluanga hian vawiin tlai khan Champhaia a department chan office te a tlawh a, naktuk hian UD & PA hmalakna zingami mirethei in sakte a tlawh kual anga, chawhnu lamah Aizawl panin Champhai a chhuahsan ang.
