Vawiin chhunah khan Mizoram Governor, Lt. Gen. Nirbhay Sharma, PVSM, UYSM, AVSM, VSM (Retd.) chu Former Legislators Association of Mizoram (FLAM) hruaituten a Office Conference Hall-ah an kawm.

Governor chuan FLAM hruaitute chu Mizorama an lo dawnsawn danah lawmthu hrilhin Mizoram hmasawnnan thawhpuiah a sawm a. Mizorama tlawmngaipawl hrang hrangten inthlanna fel fai leh tha nei tura an hmalak dante chu ramchhung hmundanga laawm ngailo, midang tan pawha entawn tlak a ni a ti a. Mizoram mipui chu ramchhung hmundanga MLA constituency pakhat pawh zatlo kan la nih avangin kan tlemna hi kan hman tangkai thiam a ngai a,chumi atan chuan thalaite tan eizawnna kawng kawhhmuh thiam a tul thu sawiin,tawnhriat nei ngah zawk FLAM member-te chu thurawn pe thin turin a sawm. Pawnlam mi te nen inpawh zawka hun hman hikanhmakhua tiengtu tur a ni tih sawiin, “Kanzirna kalphung pawh hi hetiang lam hawia her rem a ngai a ni,” a ti a. NakinlawkaIndiachhuahka ni mai tur Mizoram chu inbuatsaih a hun tak zet tiha tarlang bawk.

Mizoram chu lirnghing na tak thlen theihnahmun a awm a nih avangin Aizawl khawpui pawh ruahmanna fel taka kalpui a tul tih sawiin Governor chuan, Smart City Project-ah pawh hemi chungchang hi an ngaipawimawh hle ni a ti a. Chhiatrupna thleng thei hawi zawnga inzirtir tam a tul thu leh zirna sikul leh kohhran kaltlang pawha inzirtir hial tul a tih thu sawiin, FLAM pawh theihtawp chhuah turin a sawm a. Aizawl chu India rama khawpui fai berte zingami ni mahse bawlhhlawh senghawi kawnga tan lak thuai a nih loh chuan nakin lawka harsatna thlentu a ni thei a ti bawk.

FLAM member-te tan ram thenawmtelehStatechangkang zawkte tlawhna hun siamsak a chak thu sawiinkanvelami te chin dan tha zawkte zirakanthatpui tur ang chite chu senglut thiamturina chah bawk.

FLAM President Pu K. L. Rochama pawhin Governor taima leh viak tha tak mai Mizoramin a nei chu lawmawm a tih thu sawiin, atawnhriat leh thiamnate chu Mizoram tana hmang zel turin a ngen nghal a. Governor chu a tul apiangah an pawl chuan an thawhpui zel tur thu a sawi bawk. FLAM hmalakna hrang hrangte sawi hovin inkawmna hun hlimawm tak an hmang bawk a ni.

Tunah hian FLAM member 146 an awm mek a ni.