Vawiin chawhma ah khan Mizoram Governor Lt Gen Nirbhay Sharma (Retd.), a nupui, Lady Governor Jyotsna Sharma leh an mikhual te chuan Mizoram State Museum, Mc Donald Hill, Zarkawt an tlawh.

State Museum chhung a fankual na ah Mizoram Governor Lt General Nirbhay Sharma(Retd) chuan Museaum pawimawhna leh hnam rohlu vawn thatna kawnga a pawimawh zia te tarlang in Mizoram in Museum chhuanawm tak a nei ni in a sawi a. Hnam ropui a piangin an pi leh pute kutchhuak, sulhnu leh nunphung te ngaihsan na chang an hre thin a ti a “ Midang ten kan hnam rohlu an rawn ngaihsak na tur chuan a neitu ten kan hlutsak a ngaiin chung hnam rohlu, pipu te sulhnu leh kutchhuakte pholanna hmun, Museum pawh kan tlawh uar tur a ni” ti in Governor chuan museum tlawh tam intihhmuh a tul thu a tarlang a ni.

Governor leh amah rawn tawiawm tute hi State Museum ah hian Curator Pu Lalchuailova leh a thawhpui ten an lo dawng sawng a. Museum Official te hian Governor chu Museum pindan hrang hrang te fankual pui in a chhunga an thil vawnthat chungchang te pawh chipchiar takin an lo hrilhfiah a ni.