Tukin zing khan Aizawl a college 12 te leh Higher & Technical Education-a officer leh staff-te chuan Independence Day puala Mizoram Sorkar in "Freedom Run" nei tura a phut angin Aizawl khawpui hmar leh chhim atangin zirlai 1000 chuang leh zirtirtute an thawhchhuak.

Freedom Run" hi Higher & Technical Education Minister Pu R. Romawia chuan zing dar 6:30 ah Aizawl hmar lama College (Hrangbana College, Zirtiri Residential Science College, Aizawl North College, J. Thankima College, Mizoram Hindi Training College leh Women Polytechnic Aizawl )- te chu Chanmari atangin a vailiam a. Parliamentary Secretary Lt. Col. (Rtd.) ZS Zuala, Parliamentary Secretary chuan Aizawl hmar lam college (Aizawl College, T. Romana College, Johnson College, Aizawl West College, Mizoram Law College leh Institute of Advanced Study in Education (lASE) Aizawl)-te chu Sikulpuikawn atangin a vailiam ve thung a. Freedom Run a tel te hian AR Ground-ah inhmukhawmin, Pu K. Lalnghinglova IAS, Higher & Technical Education Commissioner hovin a tawpna hun hman a ni.