March ni 4 atanga neih tan, N.E.Mini Jamboree vawi 6-na chu nimin khan Larsap Lt.Gen(Rtd)M.M.Lakhera PVSM, AVSM, VSM chuan State Training Centre-ah a khar ta.
Thu sawiin Larsap chuan India ram zau taka hnam hrang hrang, ze inanglo tak tak, tawng hrang leh sakhaw biak hrang cheng ho te hi India hnam tihausatu leh a chakna a ni, a ti a. Ram chhunga kalphung dik tawklo a awmin phunnawi a, midang siam that atan khek mai lovin ram siam thatna hna ah mipui ten mawh kan phur tih kan inhriat a pawimawh hle a ni, a ti a. Hmarchhak state hrang hrang atanga Scout leh Guides naupang kalkhawmte chuan he jamboree hi an hlawkpui ngei a beisei thu sawiin an thil zir zawng zawngah hnam hrang hrangte inhmel hriat tawnna chuan inunauna leh inpumkhatna a thlen ngei ang tih a sawi a. An chenna India ram chu eng ang ram nge ni se an duh tih chu anmahni kutah a innghat a ni, a ti bawk.
Kharna inkhawmah hian state 5, Arunachal Pradesh, Assam, Meghalaya, Nagaland leh Sikkim naupang ten hnam lam an entir a. State hrang hrang te hnenah Larsap chuan certificate a hlan nghal bawk a ni.
N.E.Mini Jamboree neih chhung hian naupangte rilru mil leh lawm zawng thil chi hrang hrang, sairawkherh inperhsiak te, nawrlirh inkhalhsiak te, kalchhet, basketball intihsiakna te neih a ni a. Heng bakah hian Adventure lam intihsiakna leh hnam inpumkhatna atana cultural exchange te neih a niin naupangte chu zan tin Camp Fire hlimawm tak neihpui thin an ni.
N.E Mini jamboree ah hian state 8 atangin Scouts and Guides 528 leh pawn lam atangin official 50 an lo tel a. Northeastern Regional Hqrs hotute bakah Sikkim State Chief Commissioner Dr.H.PChhettri pawhin jamboree hi a rawn telpui a ni. Activities hrang hrang inelna ah Arunachal Pradesh, Assam, Mizoram leh Meghalaya te chuan A grade 4 leh B grade 8 theuh an dawng a; Manipur chuan A-8 leh B-4 dawngin Sikkim chuan A leh B 6 ve ve a dawng a; Nagaland leh NF Railways ten A-5 leh B-7 an dawng bawk a ni.
Kharna inkhawmah hian state 5, Arunachal Pradesh, Assam, Meghalaya, Nagaland leh Sikkim naupang ten hnam lam an entir a. State hrang hrang te hnenah Larsap chuan certificate a hlan nghal bawk a ni.
N.E.Mini Jamboree neih chhung hian naupangte rilru mil leh lawm zawng thil chi hrang hrang, sairawkherh inperhsiak te, nawrlirh inkhalhsiak te, kalchhet, basketball intihsiakna te neih a ni a. Heng bakah hian Adventure lam intihsiakna leh hnam inpumkhatna atana cultural exchange te neih a niin naupangte chu zan tin Camp Fire hlimawm tak neihpui thin an ni.
N.E Mini jamboree ah hian state 8 atangin Scouts and Guides 528 leh pawn lam atangin official 50 an lo tel a. Northeastern Regional Hqrs hotute bakah Sikkim State Chief Commissioner Dr.H.PChhettri pawhin jamboree hi a rawn telpui a ni. Activities hrang hrang inelna ah Arunachal Pradesh, Assam, Mizoram leh Meghalaya te chuan A grade 4 leh B grade 8 theuh an dawng a; Manipur chuan A-8 leh B-4 dawngin Sikkim chuan A leh B 6 ve ve a dawng a; Nagaland leh NF Railways ten A-5 leh B-7 an dawng bawk a ni.
