Kumin January ni 25 a din Mizoram Media Corporation-te chuan vawiin khan I & PR Auditorium-ah Mizoram leilung hausakna haichhuah chungchang inhrilhhriatna programme a buatsaih a. Industries department changtu Parliamentary Secretary Pu H. Zothanglianan a hmanpui.
Parliamentary Secretary chuan Mizoram lei hnuaiah Oil leh Natural Gas thahnem tak haichhuah theih tur a awm thu hi sorkar laipui chuan hriain khawvel huapa company rintlak tak tak pakua laite nen inremna thuthlung fel tak siamin leilung bih chian leh bul tan hna chak takin an thawk mek a ni a ti a. Hetianga hmalakna hi Mizoram sorkar chuan hriain Geology & Mining Department chu Directorate puitlingah dah a tul thu a hria a. Chak taka hmalak niin sorkar-a thil tul apiang bawhzui a ni a ti a. Zirna lamah pawh College tinah Geology subject zirtir theihna tura hmalak anih dan te, Geography subject pawh tun aia uar zawka zirtir a tul dan te, Mizo thalaite tan Mining Engineer lama kawng buatsaih sak dante pawh sorkar chuan chak takin a bawhzui reng a ni a ti.
Vawiin awareness programme ah hian Geology & Mining Jt. Director Dr. Lallenmawia chuan Mizoram leilung hausakna haichhuah kawnga khawvel company lian 9 lai hmalak dan leh an thlen chin tlangpui a tarlang a. Hnam thil Zofate tana din khawchhuahna tak tak tling pha Oil leh Natural Gas haichhuah kawngah hian tun maiah pawh Mizoram sorkar chuan Rs. 2.36 crores lai hlawkna a tel tawh a ni a ti.
Vawiin awareness programme ah hian Geology & Mining Jt. Director Dr. Lallenmawia chuan Mizoram leilung hausakna haichhuah kawnga khawvel company lian 9 lai hmalak dan leh an thlen chin tlangpui a tarlang a. Hnam thil Zofate tana din khawchhuahna tak tak tling pha Oil leh Natural Gas haichhuah kawngah hian tun maiah pawh Mizoram sorkar chuan Rs. 2.36 crores lai hlawkna a tel tawh a ni a ti.
