Mizoram Governor Dr. Aziz Qureshi chuan vawiin khan 23 Sector Assam Rifles leh IGAR (E) bultum a National Integration Tour buatsaih chu a vai liam a, 39 Assam Rifles ten he tour hi an kaihruai ang. Hnam inpumkhatna atana intlawh tawnna ah atana buatsaih ah hian Mizoram hmun hrang hrang atangin naupang thlan chhuah 22 mipa leh hmeichhia te an zin chhuak a, January 25 khian an lo let leh ang.

Mizoram Governor chuan hetiang zinna buatsaih a nih chu lawmawm a tih thu sawiin hei hian naupangte ah ram chhunga cheng mi hrang hrang inunauna leh inngainatna te in tanpui tawn duhna te a hring chhuah ngei a beisei thu a sawi a. An zinna atang hian tawn hriat tha tak nen an lo haw ngei a beisei thu sawiin zin chhuak tur te chu duhsakna nen a vai liam a ni.

Delhi ah hian Union Home Minister Pu Rajnath Singh leh Home Affairs Minister Pu Kiren Rijiju te an hmu ang a. Hmun hmingthang tak tak Red Fort, Lotus Temple, India Gate, Qutub Minar, Rashtrapati Bhawan leh Air Force Museum te an tlawh ang a. Agra ah Taj Mahal leh Agra Fort te an tlawh bawk ang.

Brig. T.C. Malhotra, Commander 23 Sector AR leh Col. Jasjit Singh Commandant, 39th Assam Rifles ten Governor hi an tawiawm a ni.