Tun hnaiah Chanchinbu thenkhatah Mizoram Kohhran Hruaitu Committee(MKHC) te committee thu chhuak ah Governor in Zu khapna chungchanga an ngaihdan thlak thleng tura a ngenna hnawl a, an dinna ngai a ding ni anga lo lang a awm a.

Governor hian tlawmngai pawl emaw Kohhran Hruaitute an ni emaw, chanchinbu mite an ni emaw a kawmna ah zalen takin zu khapna chungchang a tawn hriat leh dik nia a hriat te a sawi pui thin a. Chu chu Governor a nih na ang ni lovin amah ngei pawhin \'keima mimal ngaihdan\' tia fimkhur taka sawiin ram tana tha zawk nia a hriat leh tha nia a hriat zawng te chu a sawi thin ngei a. Chutih lai chuan heng khawtlang leh kohhran leh pawl hruaitute hnenah hian official takin lo sawiho a an dinhmun te sawh sawn turin a ngen ngai lo. Thian tha anga inkawm hona a a sawi ve mai a ni a. Zu zuar turin Mizoram sorkar hi a nawr emaw a fuih emaw a ni lem lo.