Vawiin khan Kolasib District chhunga sawrkar Officer te, Skul hotute, VCP, leh Health Worker te tan Department of ICT, Mizoram sawrkar chuan National e -Governance Plan chungchang training programme, AMFU Hall, Kolasib-ah neih a ni .

He training programme-ah hian Dr. S.S.Garbyal, IFS, Principal Secretary (ICT) chuan Mizorama ICT hmalak mekna leh National e-Governance Plan hmang tura thawh mek a nih dan te a sawifiah a. He thil hi Sawrkar laipui in chak taka a kalpui mek a nih avangin Mizoramah pawh a taka hmang ve turin ruahmanna tluang taka kalpui mek a ni, a ti a. Hman a nih hunah chuan mipui mimir tute pawh- thingtlang mite thlengin kan la chhawr hle dawn a ni, a ti a. Tunlai khawvel computer leh Mobile uar taka hmanna khawvela cheng kan nih avang hian kan vannei hle a ni, a ti a. e-Governance hmang hian kan economic dinhmun leh kan nunphung nasa takin dawm kan a ni dawn a ni, a ti a ni.

Pi Niharika Rai, IAS, DC chuan inlawmna thu sawiin Kolasib District tana hetiang programme buatsaih a ni hi kan vannei hle a ni, a ti a. e-Governance hian sawrkar hna thawhna kawngah awlsamna nasa tak leh dik leh fel taka hna thawhna tur, mipui tana thil tha tak tur a keng tel a ni, a ti a. Uluk taka an thu zir turte zir turin trainees te chu a chah a ni.

Pu C. Lalrosanga, Dy. Director(Admn) , Department of ICT chuan training hi a kaihruai a. ICT atanga mithiam thlan chhuah ten subject hrang hrangah training an pe a ni.