Mipui hamthatna tura Sorkar laipui hmalakna hrang hrang inhrilhfiahna hun Bharat Nirman Public Information Campaign chu vawiin khan Rawpuichhip khuaah hman a ni. Mamit district chhunga Bharat Nirman Public Information Campaign a thawh thumna, ni hnihna chu vawiin khan Rawpuichhip Community Hall-ah neih a ni a, Pu Rodney L.Ralte IAS Deputy Commissioner, Mamit chu khuallian niin Ribbon chep chatin PIC hi a hawng a ni. Kal kawmte hma ah thu sawiin Pu Rodney chuan, India rama za 70- te chu thingtlanga cheng an ni a, miretheite chu sorkarin a ngai pawi mawh em em a, thingtlang miten lei rem an rah ve theih nan Scheme leh programme hrang hrang a duang a, kumdang aiin India ram hausakna pawh za-a pariat laia at han chhoh avangin mi rethei chhan chhuahna kawngah pawh sum a seng hnem hle a ni a ti a.

Sorkar scheme hrang hrangte chu mirethei chhan chhuahna leh hamthatna atan a tih a nih thu leh sawrkar laipui tum pawimawh ber a ni a, retheite dawm kanna sheme hrang hrangte hi a dawngtuten kan zira a nih na ang taka kan hman a ngai a ni tiin, Sawrkar hmalakna hrang hrangte inhrilhfiahna hun hi tangkai taka hman a pawimawh a ni a ti. Bharat Nirman Campaign hi chawhma lamah Pu M.C. Lianmawia Co-Nodal Offficer, Field Publicity chuan kaihruiin, Pu Mangjangam Touthang IIS Chairman Core Committee PIC- in Public Information Campaign neih a nih chhan te, mipuite tana a tangkai dante sawiin, Khual zahawm Pu Rohmingthanga VCP Rawpuichhip pawhin thusawina hun a hman bakah Zai thiam te leh Song & Drama Division Cultural Troupe ten zai leh lam hmangin mipute an awi a ni.

Chawhnu lam ah Technical session hun hman a ni a, Mizoram Journalist Association aiawhin Pu P.Lalchunglura leh Pu Lalhuma\\\'n kaihruaiin Sawrkar laipui hmalakna chi hrang hrang inhrilhfiahna hun hman a ni a, mipuiten an thil hriatfiah lohte leh hriat duhte zawhna hun hmangin, Sawrkar depertment hrang hrang hotuten mipui hrilhfiah ngaite hrilhin, zawhna te an chhang a ni.

Bharat Nirman Public Information Campaign neih rual hian NRHM hnuaiah Mamit Hospital chuan athlawnin Damlo inentirna hun an buatsaih a, mi engemaw zat an inentir a ni.

Vawiin a PIC neihnaah hian Rawpuichhip leh Tuahzawl khaw mipuite bakah Mayank Agrawal IIS, Director PIB, New Delhi leh Mizoram Sawrkar official thahnem tak an tel a ni. Bharat Nirman Public Information Campaign hi naktukah Lengpui khuaah neih a ni ang a, Chief Secretary Pu Van Hela Pachuau chu khuallian niin a hmanpui dawn a ni.