Mizoram Governor Pu Kummanam Rajasekharan chuan Prime Minister Pu Narendra Modi chu New Delhi-ah a hmu a. Mizorama inbiakpawhna leh intlawhpawhna lama harsatna hrang hrangte a sawipui a ni.

He hunah hian Governor chuan Indo-Myanmar leh Indo-Bangladesh ramri hrula kawngpui Border Roads Organisation (BRO) te enkawl siamthat a ngaihpawimawh thu chu sawiin, Prime Minister hnenah hian lehkha a thehlut nghal a ni. Hei bakah hian Kawnpui-Durtlang-Aizawl Road leh Sairang-Tuipuibari Road te National Highway Double Lane (NHDL) specification mila zauh an nih theih nan hmalakpui turin a ngen bawk a ni.

Prime Minister Pu Narendra Modi-a pawh chuan Governor ngenna chu lo ngaipawimawhin, connectivity chungchanga harsatnate chu sukiang tura theihtawp chhuahpui a lo tiam a. Mizoram mipuite harsatna chu a hriatthiam pui thu leh ram hmasawnna tura tanpui a inhuam thu a sawi a ni.