Vawiin khan DC Conference hall ah District Election Officer Dr.Arun T, IAS kaihhruaina hnuaiah MLA 2018 inthlan lo awm tur chungchanga inpuahchahna te thlir hona neih a ni.

Thlir hona ah hian Election Officer Pu Vanlalchhuanawma Chawngthu, MCS chuan Kolasib District chu inthlanna awm tur a tan hian a inpeih fel thawhkhat ani tih a tarlang a, zanin atangin khaikhawm ani anga, District hrang hrang te khaikhawmna nen Election Commission kuta thawn tur ani. Thutkhawmah hian Election kaihhnawiha Committee peng hrang hranga Nodal Officer leh chanvo nei te inhrilhhriatna hun neih a nih bakah Kolasib District a Vote nei zawng zawng chu 56,750 tih tarlan ani bawka, heng ho zingah hian Service Voter 354 an awm ani. Vote thlak kaihhnawih a hming thunluh, hming paih, vote neihna hmun sawn tir, address thlak leh a dangte heng form 6,7,8,8A hmanga dil theih chu dinla 10224 a lut a, EVM leh VVPAT Awareness ah session khatna chu zawhfel tawh niin Awareness Van 5, Awareness team 8, Mobile Awareness Team 7, Static Awareness team 1 an awm a, Awareness Campaign hi Kolasib District huam chhunga khua/hmun hrang hrang 62 ah neih niin EVM khawl hmanga vote thlak chhin 3787 an awm a ni. Awareness Campaign hi neih leh vat tura beisei ani a, September ni 27 ah hian Final Publication of Electoral summary neih ani ang. He hunah hian kolasib District Election website deokolasib.mizoram.gov.in chu peihfel anih thu tarlan bawk ani a, he website ah hian kolasib District huam chhunga election kaihhnawiha hmalakna hrang hrang bakah polling station hrang hrang leh thil dang tul leh pawimawh te chu mipui te tlawh leh hriat theih a tan kimchang taka dah ani thu tarlan ani bawk.

Thutkhawm na a tel tur hian election kaihhnawiha chanvo hrang hrang nei te bakah NGO hruaitute, MPF aiawh leh Political party hrang hrang aiawh an kalkhawm ani.