Governor Lt. Gen. Nirbhay Sharma, PVSM, UYSM, AVSM, VSM (Retd) chuan vawiin khan Raj Bhavan ah 56th Subroto Cup International (Under 14) Football Tournament a Champion Mizoram Team te chu thingpui a in pui.

Governor chuan Mizoram Team hlawhtlinna chu lawmpuiin Mizoram tan chauh ni loin, India ram tan theihtawp chhuah zel turin thu a chah a. Players te chu India aiawh in ka khel thei a ni tih hria a, mahniah inrintawkna nei turin leh tuna khawvel a Players hlawhtling tawhte hian tumruhna leh beidawng lova an teirei peih vanga hetiang dinhmun hi thleng ani tih hre reng chungin an mahni entawn turin a chah a. Governor chuan naupangte chu khawvel hawizau turin leh an thil tumah taksa leh ngaihtuahna paukhauh nei turin a chah bawk a ni.

U-14 boys Subroto Cup International Football Tournament-2015 champion team te hi Dte. of Sports & Youth Services Deptt. Regional Sports Training Center, Saidan, Kolasib atanga zirte an ni a. Govt. Chawngfianga Middle School Saidan, Kolasib hminga kal an ni.

He tournament ah hian Players te leh Official Pahnih an kal a, chungte chu: R. Malsawmkima, Armed Veng ‘S’; Lallawmkima, Dinthar (Best Goalkeeper); Remlalfaka, Farkawn; R.Lalrinpuia, Kolasib; F. Malsawmzuala, Champhai; Reter Lalsiammawia, Kolasib; F.Lalruatkima, Bairabi (Captain); Hriata Jongte, Armed Veng ‘S’; Norbert Lalfakawma, Kolasib; Lawrence Ngursangzuala, Melriat; Khamlianthang, Seling; MC Zothansanga, Tawipui ‘S’; Remsangpuia, Denlung; Moses Lalrinzuala, Khatla ‘E’; R. Lalrinhlua, College Veng; Chhunga Hmar, Kolasib (Best Player); R.Lalthawmmawia (Coach) leh Lalrinliana Royte (Manager) an ni.

Best Player Award dawngtu Chhunga Hmar, Kolasib chuan Rs. 40,000 leh laptop a dawng a; Best Goalkeeper dawngtu Lallawmkima, Dinthar chuan Rs. 40,000, Best Coach Award dawngtu R. Lalthawmmawia’n Rs.40,000 an dawng a ni. Champion team te hian Championship Trophy leh Rs.2,50,000 an dawng a ni.