No.3167/2020-2020

Aizawl, the 17th July 2020: Vawiin khan Raj Bhavan-ah Governor P.S. Sreedharan Pillai chuan chhungkaw harsatna kara hlawhtling taka Higher Secondary School Leaving Certificate Exam result chhuak taa 8th Rank rawn hauh thei Vanlalvenhimi, Durtlang North tan lawmpuina hun a buatsaih.

Governor P.S. Sreedharan Pillai chuan Vanlalvenhimi, kum 17, Pu Lalfakliana fanu chuan lehkha zir turin a mawhphurhna dang, a nu leh pa te hnathawka an chhuah hlana inchhung khawsak enkawl hna leh a naute enkawl hna a thawk tel thin a sawi a. A mawhphurhnate zawng zawng pawh lehkhazir loh phah nana hmang loa hlawhtlinna ropui tak a thawk chhuak chu India ram puma zirlaite tan entawn tlak a tling a; a chhuanawm tak zet a ni a ti a. Tunlai khawvelah retheihna avangin zirna kawngah tih theih loh a awm tawh loa, miin tumruhna leh taihmakna a neih phawt chuan hlawhtlinna a sual chhuak thei tih Vanlalvenhimi atang hian a chiang em em a ni a ti. Vanlalvenhimi, Government Durtlang HSS atanga zirchhuak ta hian zantin dar 6 atanga dar 10 leh zingtin dar 3 atanga dar 7 thleng nitin lehkha a zir thin a. College a zirtirtu hna thawh tumin a thlawna Admission petu Government Hrangbana College-ah a zirna chhunzawm dawn a ni.