No.3168/2020-2020

Lawngtlai, Vawkhniahzawn thla ni 17, 2020: Vawiin khan Lawngtlai District Agriculture Office complex-ah Nehru Yuva Kendra (NYK), Lawngtlai District bul tumin kut hna thawktute hnenah moringa (thing behlawi) tiak sem chhuah a ni.

He hun hi NYK Lawngtlaia MTS K. Lalhmachhuani'n a kaihruai a. Divisional Horticulture Officer Pu C. Lianluaia leh District Agriculture Officer Pu J. Rokima te'n hun an hmanpui a ni.

DHO Pu C. Lianluaia chuan moringa thing hi khawvelin a ngaihsan, a hnah, a rah leh a zung thlenga chawhmeh atan leh damdawi atan pawh tangkai taka hman theih a nih thu a sawi a. NYK District Youth Co-ordinator Pi Mercy Selate chuan moringa thing chu Lawngtlai District-ah chin pun thaa an hriat avangin Horticulture Department nen tang kawpa hma lain, nursery-ah an kui tiak tih sawiin, Agriculture Department te puihbawmna nen a tiak sem chhuah theih a ni ta chu lawmawm a tih thu a sawi.

Tun tumah hian moringa tiak hi 1000 sem chhuah niin, Lawngtlai khawpui chhung bakah, he thing ching duh tura inhriattir khawpui pawn lama mite hnenah pawh eng emaw zat pek chhuah a ni.