2312/2024-2025

Aizawl, the 1^st  October 2024: Nimin khan Governor charge latu Pu Indra Sena Reddy Nallu chuan rinawmna thutiam a lak zawh veleh a Pisa a kai nghal a. Nimin tho khan chawhnu herah  official program hmasaber nei nghalin Fakawn Zokhua leh Aibawk a tlawh a ni.

Falkawn Zokhua a tlawh hnu hian Aibawk-ah Primary Health Centre (PHC), Sikul leh Biakin thenkhat te a tlawh nghal bawk. Governor pual hian  Conference Hall, BDO Complex-ah official program neih a ni a, he hunah hian YMA hruaitute, Village Council puipate, Kohhran hruaitute leh khawtlang hruaitute nen inkawmna hun an nei a. Governor hi  Pu VL Chaka, BDO, Aizawl RD Block leh a staff ten lo dawngsawngin in a hun hmannaah te an tawiawm a ni.