2313/2024-2025

Aizawl the 1st October, 2024 : India ram sawrkar Ministry of Housing & Urban Affairs (MoHUA) leh Department of Drinking Water and Sanitation (DDWS) te ṭangdunin September 17 aṭanga October 2, 2024 chhunga hman tura an buatsaih ‘Swachhata Hi Seva Campaign’ pualin tukin (01.10.2024) zing dar 9:30 khan Gauhati High Court, Aizawl Bench, MINECO-ah hun hman a ni a. Hon’ble Mr. Justice Nelson Sailo leh Hon’ble Mrs. Justice Marli Vankung, Gauhati High Court Judge ten an telpui a ni.

He hun hi Pi Lalcrossthangi, Deputy Registrar-in a kaihruai a, kalkhawmte hnenah Swachhata Hi Seva’ beihpui thupui - 'Swabhav Swachhata - Sanskaar Swachhata' awmzia ber nitin hun hmannaa faina nunpui anih thu te leh he hun hman chhan anih ang ngei hian kalkhawm zawng zawngte chu an nun theuhvah faina beh tel tir turin a chah a. He beihpui lungphum pathum ‘Swachhata Ki Bhaagidar te, ‘Sampoorna Swachhata’ te, ‘Safai Mitra Suraksha Shivir’ te a tarlang bawk. He hunah hian Dr. H.T.C. Lalrinchhana, Registrar leh Gauhati High Court, Aizawl Bench a thawktute an tel a ni.