2582/2022-2023
Aizawl, the 9th November 2022: Governor Hari Babu Kambhampati chuan vawiin chawhnu khan Raj Bhavan-ah Sri Ramachandra Medical College(SRMC), Chennai atanga lung daktawr thiam rual te nen an inkawm a. Pu Kulothungan A, Deputy Commissioner of Lunglei District sawmna rawn tihlawhtlingin heng doctor thiam rual te hian November 10 atanga 12 thleng khian Lunglei Civil Hospital-ah a thlawnna inentirna hun lung lama harsatna nei te tan an buatsaih dawn a. Hemi rual hian Lunglei Civil Hospital-ah tho cancer natna vei te pualin Cachar Cancer Hospital and Research centre atanga doctor thiam rual ten free clinic an buatsaih dawn a ni.

Governor Hari Babu Kambhampati chuan a mikhual te chu Mizoramah lo lawmin an thil rawn tih tur chu mipui rawngbawlna ropui tak a ni a ti a. Mizoramah inenkawlna damdawiin changkang zawk te kan la neih loh avangin hetiang anga natna khirh deuh inentirna hun hi nidangah pawh rawn buatsaih thin turin a sawm a ni.

Governor chuan Lunglei DC hmalakna zarah damlo ten anmahni kawtkaiah Doctor thiam an rawn thei tur chu lawmawm a tih thu a sawi a. District dang te pawh hetiang lamah hian an bengvar tha a tih thu a sawi bawk a ni.

SRMC doctor te hi Cardiologist leh Cardiac Surgeon te an ni a. Dr. JS Satya Narayana Murthy, Head of Cardiology Department chuan SRMC team hi a rawn ho a. Member te chu Dr. Vanaja, Dr. T. Periyasamy, Dr. R. Jebaraj, Dr. Nithesh Kumar A, Dr. Lakshmi Durga Kumaraguruparan, MS B. Malathy leh MS L. Gokulalakshmi an ni. Anni hi Lungleiah Cachar Cancer Hospital and Research centre atanga Cancer enkawltu doctor rual ten an rawn fin dawn bawk a ni.