2583/2022-2023
Siaha; the 9th November,2022: Vawiin chawhma dar 11:00AM khan DC Conference Room-ah 39-Saiha A/C leh 40-Palak A/C a Draft Electoral Roll-2023 chu Pu Lalsangliana, District Election Officer leh District Bawrhsap ni bawk chuan a tlangzarh a. Political Party hrang hrang aiawhte hnenah a Hard leh Soft copy pakhat theuh a hlan hlawm bawk a ni.

Draft E /Roll tlangzarhna-ah thu sawiin; Pu Lalsangliana chuan Inthlanna langtlang, felfai leh huapzo tak neih tur chuan kan Draft E/Roll atanga bul kan tan that a pawimawh a. Draft E/Roll felfai tak chuan Final E/Roll felfai tak a hring chhuak thin a ni. E/Roll felfai hi inthlanna langtlang,felfai leh huapzo tak neihna kawnga hmanrua pawimawh ber pakhat a ni. Chuvangin Draft E/Roll felfai tak buatsaihna kawnga thawktute zawng zawng te hnenah lawmthu ka sawi tak zet a ni, a ti. DEO Pu Lalsangliana chuan tahrik 01/01/2023 a kum 18 tling tur chuan a online (voterportal:eci.gov.in/) hmang pawhin mahni awmhmun atangin a in register thei vek a ni, tih hi kan BLO, Party worker leh tlawmngai pawl ten min lo puanzarh sak theuh turin ka ngen a che u; a ti.

Tahrik 01.01.2023 qualifying date a hmang a buatsaih Draft E/Roll tlangzarh takah hian 39-Saiha A/C-ah Mipa Voter 10701 leh hmeichhe Voter 12004 an awm a, an vaiin Voter 23075 an awm mek a. 40-Palak A/C-ah hian Mipa voter 9820 leh hmeichhe voter 10090 awmin, an vaiin voter 19901 a awm mek bawk.

Tahrik ni 15/1/2022 a Final E/Roll tlangzarh takah khan 39-Saiha A/C hnuaiah voter 23088 an awm a, vawiina Draft E/Roll tlangzarh takah hian voter 23075 an awm thung a, voter 13 in an kiam a ni.

Tahrik ni 15/1/2022 Final E/Roll tlangzarh-ah 40-Palak A/C hnuaiah voter 19927 an awm a, vawiin tlangzarh Draft E/Roll-ah erawh 19910 an awm thung a, voter 17 in an kiam ve bawk a ni.

 Tahrik 15/1/2022 atanga vawiin 9/11/2022 inkara District pumpui voter kiamna chu 30 a ni.Hei hi percentage a lak chuan 0.07% a ni.