Vawiin tlai khan India ram palai, Ambassador of India to Afghanistan Pu Vinay Kumar, 1992 batch Indian Foreign Service chuan Mizoram Governor Pu Kummanam Rajasekharan chu a pisaah hmuin, Mizoram leh a thenawm ramte thawhho theih dan turte an sawi dun a ni. 

Mizoram enkawl tura thlangtu, Ambassador of India to Afghanistan Pu Vinay Kumar chuan IFS officer-te chu Prime Minister hmalaknaa an State thlan chhuah inrelbawl dan chu zirchiang tur leh an thenawm ramte nena inlaichinna zir tura tirh an nih thu sawiin, Act East Policy nen pawh a inzulzui a ti a. He scheme kaltlang hian an ram thlante trade, commerce, tourism, education leh thil dangah te chawikan tum  a nih tur thu a sawi a ni. Hmarchhak bial chinchang hrechiang, state sawrkar aiawhte nena thawhho chu a duh thu sawiin, Asia khawmualpui ramte nena inlaichinna tha tak neih chu thil pawimawh tak a ni a ti bawk.

Heng bakah hian zirna kawnga academic exchange leh faculty interaction buatsaih te, handloom leh handicraft chawikan dan turte, skill development tihhmasawn te, eitur sawngbawl dan leh mau tangkaina zirchiang tura research and development beih dan turte an sawiho a ni.