Vawiin tlai khan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) leh Australia-a Indian Consul General Pu B. Vanlalawna chu a chenna Raj Bhavan-ah inkawmin, tourism lama Mizoram chawikan dan tur an sawi dun.

Mizoram Governor chuan Act East Policy tihlawhtling tura hmarchhak ramte leh an thenawm ram inkara inlaichinna tha siam a tul thu sawiin, India palaiten hemi kawnga mawhphurhna pawimawh tak an chelh thu a sawi a. Ministry of External Affairs (MEA) leh North Eastern Council (NEC) te inkarah pawh thawhhona tha awm se tiin a duh thu a sawi a ni. Mizo IFS la service mekte chu an awmna ram theuha Mizoram tilar tur leh khualzin mite hip thei tur zawnga thawk turin a duh thu a sawi bawk a ni.

Pu B. Vanlalvawna pawhin ruahmanna tha tak nen ramdang thleng pawha tourism chawikan theih a nih thu sawiin, theihtawp chhuahpui a tum thu a hrilh bawk a ni.