Nimin khan Tlabung SDO (C) Pu M Misael, MCS hovin a office chamber-ah Tlabunga kumin Republic Day hman dan tur relin  Sorkar department, political party, zirna in leh khawtlang huap pawl hrang hrang aiawhte an thukhawm.

Meeting chuan Republic Day lawmna hi Tlabung SDO (C) pisa kawta tualzawlah urhsun taka hman an rel a; Tlabung SDO (C) Pu M Misael chu khuallian a ni ang. Thutkhawmnaah hian, zing dar 8:30-ah khuallianin India hnam puanzar a pawhpharh tur thu te, he ni hmannaah hian Sorkar hnathawkte chu tel ngei tura hriattir an nih thu te, he ni hmanna tur sum leh pai chu Tlabunga Sorkar department-ten an thawhkhawm tur thu leh, kum danga Border Security Force-ten an pek thin guard of honour chu police department kutah dah a nih thu te sawilan a ni.