Governor Pu Kummanam Rajasekharan chuan Member of Legislative Assembly (MLA) te chu mipui thlan tlin leh ram tana thawk tura beisei an nih angin, mipui duhdante chu dah hmasa in an tum ram ti puitlin tura beisei an nih thu a sawi a. Assembly-in Session atana hun a neih chu a hluin, he hun chhung hian a tam thei ang ber rorel nan hman a pawimawh a ni, a ti. Mimal tinin ngaihdan an nei theuhin, an member-puite ngaihdan chu an tawmpuiin an pawmpui lo thei a ni, a ti a. Assembly-a inkhawm theih loh apiang hian mipui hun leh tha kan khawlral sak a ni, a ti.

He inkawmnaah hian Committee member-te chuan India ram khaw hrang hrangah kal in, an chin dan tha te chu zirchiangin, an tawnhriatte an tawm thu an sawi a. Jharkhand Legislative Assembly inrelbawl dante sawiho in, an rama hmasawnna hna thawh lian zualte an sawiho a ni. Member-te chuan Mizoram an hmuh dan tlangpui Governor hi an hrilh bawk a ni.