Tukin zing khan Mizoram Governor Lt. Gen (Rtd.) M.M. Lakhera chuan Mizoram People’s Forum (MPF) hruaitute lengah a sawm a. MLA Election 2008 leh MP Election 2009 a an hnathawhte a ngaihhlut zia leh chhinchhiah tlak tam tak an thawh thu a lo hrilh.
Governor chuan MPF te chu inthlan liam ta a an hma lo lakna te thlirlet a, a hma aia tha zawka inbuatsaih zui turin a ngen a. Thil tha tih dawn reng reng hian za a za hlawhtlin chu thil awiai lo tih hriat a ni a, chutih laia a hma aia tha zawka tih zel erawh chu tum turin a ngen a ni.
Hmasawnna kawnga sorkar-in hma a lakna ah mipuite chu an dikna leh an chanvo hrechiang tura an zirtir leh hriattir a tul thu leh Mizoram chu mi zawng zawng inpawh taka chen hona hmun a nih avangin harsa lo taka Zokhaw tina mi te pawhin hmasawnna ke an pen rual theih a rin thu leh chumi nei tura MPF ten mipui te lo tanpui turin a ngen bawk a ni.
Tlawmngai pawl (NGO) lo pung zel hi nakin hnuah ram leh mipui tana la hnawksak palh theih ang tih a hlauh thu a lo hrilh a. Pawl hrang hrang ten sorkar-ah a ni emaw mimal hnena sum khawn kan ching hian kum 20, 30 kaltaa Manipur tuna buai ta em em bul tan dan kha a ang palh ang tih a hlauh thu a lo hrilh bawk a ni. Kut hnathawh hlutna leh zahawmna inzirtir nawn ngaia a hriat thu leh drugs leh HIV, AIDS te lo pung zel hi mitin tan veitham a nih zia leh MPF te pawhin nasa zawka rilru lo seng turin a ngen bawk a ni.
Hmasawnna kawnga sorkar-in hma a lakna ah mipuite chu an dikna leh an chanvo hrechiang tura an zirtir leh hriattir a tul thu leh Mizoram chu mi zawng zawng inpawh taka chen hona hmun a nih avangin harsa lo taka Zokhaw tina mi te pawhin hmasawnna ke an pen rual theih a rin thu leh chumi nei tura MPF ten mipui te lo tanpui turin a ngen bawk a ni.
Tlawmngai pawl (NGO) lo pung zel hi nakin hnuah ram leh mipui tana la hnawksak palh theih ang tih a hlauh thu a lo hrilh a. Pawl hrang hrang ten sorkar-ah a ni emaw mimal hnena sum khawn kan ching hian kum 20, 30 kaltaa Manipur tuna buai ta em em bul tan dan kha a ang palh ang tih a hlauh thu a lo hrilh bawk a ni. Kut hnathawh hlutna leh zahawmna inzirtir nawn ngaia a hriat thu leh drugs leh HIV, AIDS te lo pung zel hi mitin tan veitham a nih zia leh MPF te pawhin nasa zawka rilru lo seng turin a ngen bawk a ni.
