Parliamentary Secretary i/c Education Pu Chawngtinthanga chuan kan Education System siam tha tur leh tungding tha leh turin mipui leh kohhran te nasa takin kan tawngtai a, chu kan tawngtaina chu chhan a awmin sawrkar chak tak a lo piang ta a. He sawrkar hian kan dinhmun chhe tawh te siam tha turin theihtawp a chhuah a, a hlawhtlinnna chu sawrkar in a chhawr sawrkar hnathawkte kutah a innghat thui hle a ni a ti.

He thu hi vawiin Middle School Teachers Assocation, Sub-Hqrs. Kawnpui Special Conference, Kawnpui M/S I-a neiha a sawi a ni a. Education Department chu Department tawp ber niin mi thenkhat chuan an sawi thin a, a chhiat tak tak vang nilo in he Department hi mihring chher chhuahna, a lian ber atanga  a te ber khawih, Voluntary Organisation ten kil tin atanga an hnek hnaih em em a ni a, kan diklohna te hi rang taka puan chhuah thin a ni a,  hei vang hian mi mit hmuhah kan mawilo awlsam hma em em bik a, chhe ber angin lan chhuah a awlsam bik a ni a ti a, chutiang anih avang chuan zirtirtu te chu an nun uluka mite entawn tlaka invawng turin a chah a ni.

Khuallian Pu Chawngtinthanga chuan Education Reform Commission hian tuna Education kalhmang Structural System te leh kan Service Rules buai lutuk te hi chingfel turin ruahmanna a siam mek a, SSA kalphung leh Administration fuh tawk lo te pawh siam rem tuma ruahmanna siam mek a ni a ti.

Chawhnu lama rorel inkhawmah SDEO Kawnpui Office-a zirtirtu dahkhawm chu zirtirtu indaihlohna a nasat avangin sawrkarin in thawktu pangngai dah thuai se an duh thu leh SSA Mission, Kolasib in Furniture a semchhuah chu thing chhe lutuk Pang leh Khaupui a tam avangin tun hnuah thil chhe hma lutuk tur chu supply tawh loh nise an ti a. School in a mamawh ang chhut lova in pek mai thin pawh an duh tawh lo tih an rel a ni.