Vawiin khan Mizoram Governor Lt. General Nirbhay Sharma PVSM,UYSM,AVSM,VSM (Retd) chuan Raj Bhavan-ah Peace Accord MNF Returnees Association (PAMRA) hruaitute nen inkawmna  an nei.

PAMRA hruaitute chuan Governor hnenah hian harsatna hrang hrangte an thlen a, tun aia an dinhmun siam tha turin Governor tanpuina an ngen a ni. Governor chuan Mizorama remna leh muanna atana an hnathawhte chu lawmawm tiin hel pawl dangte tan entawn tlak nia a ngaih thu a sawi. Governor chuan  PAMRA hruaitute chu tunah chuan an tu leh fate tana chhenfakawm tur rahbi tha ngaihtuah tura chah in an harsatna te chu a theih ang anga tanpui a tum thu a hrilh bawk.

PAMRA hruaitute hi an Vice President Pu H. Sangluaia hovin Governor hi an hmu a, tunah hian PAMRA ah hian member 260 vel awm in District tinah District Hqrs. neiin Khawzawlah Sub Hqrs. an nei a ni.