Vawiin chawhma ah khan Raj Bhavan ah Governor Lt Gen Nirbhay Sharma (Retd.) leh Pu. Ronald Sapa Tlau, Member of Parliament, Rajya Sabha te chuan Mizoram hmathlir leh hna thawh mek te an sawi dun.

Governor Lt. Gen Nirbhay Sharma (Retd.) chuan Mizoram MP Pu Ronald Sapa Tlau hnenah Mizoram tan a theih tawp a chhuah vanga lawmthu hrilh in Mizo thalai te tih hmasawnna atana theihtawp chhuah zel turin a ngen a. Kum reilote chhunga Mizoram nasa taka lo danglam tur atan thalai te hmanhmawh taka puahchah an ngaih thu hrilh in Mizoram tana theih tawp chhuahpui ah a sawm a. Medical Tourism hmunpui atan Mizoram a fuh hle in a hriat thu Pu Ronald Sapa Tlau, MP nena an inkawmna ah Governor chuan a tarlang bawk a ni.

Pu. Ronald Sapa Tlau, Member of Parliament chuan Mizoram in Governor thothang tha tak leh Mizoram hmasawnna duhtu a nei chu vanneih thlak a tih thu Governor Lt Gen Nirbhay Sharma (Retd.) chu hrilh in state sawrkar theih tawp a kaihruai zel turin a ngen a ni. Mizoram sawrkar hmalakna hrang hrang bakah central sawrkar a Mizoram hmachhawp tam tak kalpui mek chungchang te tarlangin chung hmalakna ah te chuan a theihna zawna lo tang chhunzawm zel turin Governor hi a ngen a ni.

Governor Lt Gen Nirbhay Sharma (Retd.) leh Mizoram MP Pu Ronald Sapa Tlau te hi Lady Governor Pi Jyotsna Sharma leh Pu Ronald Sapa Tlau nupui, Pi Ramthanpari Tlau ten an tawiawm a ni.

Attachment

  • Loading attachment...