No.710/2021-2022

Aizawl, the 28th May 2021: Vawiin khan Raj Bhavan-ah Governor P.S. Sreedharan Pillai chuan Mizorama kum 4 an awm chhunga hna tha tak tak an thawh avang leh an hlawhtlinna avangin 46 Assam Rifles te hnenah chawimawina thuziak a hlan a. 46 AR te hi 17 April 2017 khan Mizoramah an rawn awm tan a, kumin May 28 hian an awm hun a lo tawp dawn a; anni hi AR batallion thar ten an rawn thlak leh nghal dawn a ni.

Governor in 46 AR te chawimawina thuziak a hlanah hian 46 AR te chuan Saitual Mamit, Kolasib, Champhai leh Aizawl district-ah mipui rawngbawl hna tha takin an thawk tih a chuang a. Ramri hrulah ram venhim hna tha taka an thawh avanga chawimawi an phu zia te pawh a in ziak tel bawk a ni.

46 AR te hian Civic Action, Student Outreach leh Health Campaigns hmangin mipui vantlang tan theih tawp an lo chhuah thin a. Covid -19 hripui len lai pawhin thahnem ngai takin mipui rawngbawl hna an thawh bakah ram ven hna uluk takin an thawk thin a ni.