195/2023-2024

Khawzawl, the 24th April, 2023: Vawiin chawhma dar 11 khan Khawzawl Zuchhip hmunhluia Chhanchhuahna Home tanpuina tura Mizoram Governor, Dr. Hari Babu Kambhampatia'n Governor's Discretionary Grant atanga Rs 25,000/- a pek chu Governor aiawhin District Bawrhsap Pu K. Lalrohlua'n Chhanchhuahna Home Secretary Pu Ebenezer Zonuntluanga kutah a hlan.

Khawzawl DC Conference Hall-a inhlanna hun buatsaihah District Bawrhsap Pu K. Lalrohlua chuan Governor te'n a hranpaa Discretionary Grant an neih thu sawiin, thla hlui February ni 3, 2023 a Mizoram Governor-in Khawzawl a rawn tlawh tum khan Governor hnenah hian Chhanchhuahna Home chungchang hi thlen a ni a, hemi bawhzui nan hian Governor's Discretionary Grant atangin Chhanchhuahna Home tanpuina tur Rs 25,000/- hlan a ni ta tih a sawi.

Chhanchhuahna Home hi Zuchhip Hmunhlui Humhalhtute hmalaknain Zuchhip khaw hmunhlui-ah kum 2020 November thla atang khan kalpui tan a ni a. Tun dinhmunah Home enkawltu mi 8 leh enkawl mi 20 vel an awm