1175/2025-2026

Dated Siaha, the 15th July, 2025: Vawiin chawhnu dar 1 khan DC Office Chamber Siaha-ah Additional DC Pu Abraham Beirazi Khithie chuan Siaha district chhunga home paruk hnenah Governor’s Discretionary Grant hlanna hun a hmang.

Additional DC chuan tum dangah pawh Governor’s Discretionary Fund kaltlangin home hrang hrang tanpuina pawisa fai dawnte semchhuah thin anih thu sawiin tuna Mizoram Governor ni lai General (Dr) Vijay Kumar Singh, PVSM, AVSM, YSM (Retd) hunlaiin tun hnaiah tum hnih ngawt tanpuina dawn a ni chu a lawmawm lehzual thu a sawi a, chhawmdawlna in/home dintute leh kalpuitute pawh a lawmpui thu a sawi bawk. 

Pu Abraham Beirazi Khithie chuan Siaha district chhunga chhawmdawlna in/home hrang hrang te chu a hunbi ah tak committee -in endikna an nei thin tih tarlangin, endiktute mit pawh a tlungin enkawl mekte pawhin harsatna liantham an nei lo nia a hriatthu sawiin tihdan tha leh felfai chu kalpui chhunzawm zel turin chhawmdawlna in/home dintute a chah bawk.

Governor's Discretionary Grant atanga tanpuina sumfai dawngtu Chhawmdawlna in te chu a hnuaia mite hi an ni a, chhawmdawlna in pakhatin ₹25,250 (singhnih sangnga zahnih sawmnga) theuh an dawng:

1.    Calvary Healing Ministry, Siahatla, Siaha.

2.    Grace Children’s Home, College Vaih, Siaha.

3.    Charity Home, Lorrain Ville, Saikao.

4.    Orphanage Boys Home, ECM Vaih, Siaha.

5.    Agape Home, Near Amôbyu Vaihthieh (Zero)

6.    Siaha Child Adoption Centre, College Vaih, Siaha. 

Vawiina thilpek hlan inkhawm hmanna hunah hian chhawmdawlna in hrang hrang aiawhte an tel a, ADC hovin inkawmhona neih chhunzawm a ni a; chhawmdawlna in neitute chuan ADC kaltlangin thinlung takin Governor hnenah lawmthu an sawi a ni.