1176/2025-2026


Dated Serchhip, the 15th July, 2025: Serchhip mat phaia nul leh chawhmeh hmun siam thin mi thenkhat ten Pangang hlo (pesticide) fimkhur lo takin an hmang thin tih hriat a ni a. Tin, mi thenkhatin zu leh ruihtheihthil siamna remchanga an hman thin bakah ramngaw leh nungchate tichereu zawngin hma an la thin tih report dawn a ni bawk. Heng te hian mipui vangtlang hriselna a nghawng thei a, mipuite tan hnawksak a nih theih bakah harsatna lian tak a thlen theih avangin Pu Paul L Khuma, MCS, District Magistrate, Serchhip District chuan Section 152 of Bharatiya Nagarik Suraksha Sanhita, 2023-in thuneihna a pek angin a hnuaia thupek hi a chhuah:

  1. Serchhip mat phaia nul leh thlai hmun siama eizawng thin ten ramngaw leh nungchate ti chereu zawngin hma an la tur a ni lo.
  2. Thlai hmun siam leh nul siam hi zu leh ruihtheihthil siamna remchangah an hmang tur a ni lo.
  3. Pangang hlo (Pesticide) te fimkhur takin an hmang tur a ni a, pesticide an hman atangin thlai lak hun tur dik tak ah an thlai te an seng tur a ni.
  4. Serchhip mat phaia nul leh thlai hmun nei/enkawl thin ten midang tan harsatna an thlen tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang