3924/2023-2024

Aizawl the 22^nd February, 2024 :  Vawiin khan Govt. Aizawl College-ah R. Vanlawma chanchin zirhona 'Symposium on Contribution of R. Vanlawma (1915-2006) to the people of Mizoram' hun buatsaih a ni a, Pu Lalmuanpuia Punte, MLA & Adviser to CM in Khuallian niin a hman pui. Symposium hi Govt. Aizawl College- a History Department leh Mizo History Association ten an buatsaih a ni.

Khuallian Pu Lalmuanpuia Punte chuan thusawiin Pu R. Vanlawma chu Mizoram hmangaihtu, Mizo hnahthlak zawng zawngte huang khata dah tlattu a ni a, Mizoram hnuk khawih thil a awm a nih chuan tel ve ngei tur leh a mawhphurtu zinga mi ni a inhriain a tello chuan Zoram chu fel hlelin a hre tlat thin a ni a ti. Pu R. Vanlawma khan thil ropui leh hlawk zawk chauh ni lovin, thil engpawh a ṭha leh dik chu a pawm a, a ṭha lo ni a a hriat chu a hnawl mai thin tih a sawi.

Prof. Sangkima, President, Mizo History Association chuan thupui 'Contribution of R. Vanlawma (1915-2006) to the people of Mizoram' chungchang a sawi a, chawhnu lamah sawihona hun hman a ni. Symposium hi Prof. Vanlalringa Bawitlung-in a kaihruai a, Pu Lalbiakzuala, Principal, Govt. Aizawl College leh Prof. J. V. Hluna, Vice President, Mizo History Association ten thu an sawi bawk.