Vawiin khan Govt. Champhai College chuan College Multipurpose Hall-ah Graduation Day leh Lut tharte lawmna hun an hmang.
He hun hi Lalruatthara, Vice President, Students' Union chuan kaihruaiin Pu TT Zothasanga, MLA chuan khuallian niin a hmanpui a, khuallian chuan thusawiin zirna hi hmuhsit chi a ni lova, zirna hmusit chingte chu engmah lo mai ah an chhuak thin a, khawtlangah nu rawn, pa rawn an awm ngai lova, mite hmuhsit mai an chang thin a ti a, zirlai lut thar te chu a harsat ber lai pawha zirna hi ngai pawimawh tlat turin a chah a ni. Graduate te chu tun hi an tawpna ni mai lova, bul an tanna atana hmang zawk turin a fuih a, a theih chin chin ah hmasawn zawnga ke pen zel a, Champhai tana mi chhuanawm ni ngei turin duhsakna a hlan a, 20th Annual Megazine chu a tlangzarh nghal a ni.
Khuallianin thu a sawi zawh hian College Music Video thlangzarhna hun Pu Lalnunmawia, Principal chuan hmangin, zirlai ten music video an siam thei chu lawmawm a tih thu a sawi a, a buaipuitute chungah lawmthu a sawi bakah Pu Lalngilneia Colney chuan Govt. Champhai College zirlai te hman turin Volley Ball leh Net te a hlan bawk.
