2467/2022-2023
Champhai, the 28th October, 2022: Vawiin chawhnu dar 1:15 khan Govt. Champhai College 25th Annual Magazine (2021-2022) 'Chamdel' tia vuah chu Khuallian Pu P.Lalhmingliana, Principal chuan College Multipurpose Hall-ah a tlangzarh.

Magzine tlangzarh inkhawm hi Remruatfela, SU Finance Secretary 2021-2022 chuan a kaihruai a. Lalchhuanawma, Common Room Secretary 2021-2022 in Magazine report a pe a, P.S Muanga, SU Vice President 2021-2022 pawhin thu a sawi bawk.

Govt. Champhai College hi August ni 6, 1971 a din niin NAAC accredited B++ a ni mek a, Science, Commerce, Arts leh BCA zirna an kalpui mek a. Kum 1980 atang khan College Magazine buatsaih thin a ni a, rokhawlhna bik a awm loh chuan kum tin buatsaih thin a ni. College Annual Magazine hi kum 2017-2018 atang khan hming bik puttirin CHAMDEL ti a vuah a ni a. 25th Annual Magazine Chamdel Editor hi Joseph Lalrinawma niin, zirlai hruaitute'n a buaipui leh enkawl hna hi an thawk thin a ni.