766/2022-2023
Aizawl 3rd June 2022: District Disaster Management Authority, Aizawl District, Aizawl lehkha No.C.16011/357/2021-DC(A)/ Dt.3.6.2022 bawhzuina leh Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988 in thuneihna a pek angin Rodingliana Chawngthu, Senior Superintendent of Police, Traffic chuan a hnuaia mi ang hian thupek a chhuah .

Govt Complex kawng thar (Bethel Road) / RB Point chu leimin leh building chim hlauhawm a awm avangin, Mipui leh helai kawng hmangtu te him zawk nan 407 Truck leh a chunglam tan thuleh awm hma chu tlan tlang phal a ni lo.

He thupek hian chhiatrupna thil; kangmei leh emergency kaihhnawiha duty, Dan leh Thupek pawimawh bika Duty-te chet velna a huam lo ang.