No.1740/2021-2022 

Aizawl the 8th August, 2021 : Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Govt. Complex hmun thenkhat  chu  Containment  Zone/Area-a  puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Govt. Complex hmun tarlan te hi ni 08.08.2021(Pathianni) Zing dar 11:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area   vide  Order  No.C.16011/298/2020-DC(A)/Lockdown dt. 30.06.2021 in  phalna a pekte  bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

GOVT. COMPLEX Containment Zone/Area:

Section I - RB Point lane hnuai, Pi Lalmuanpuii Sailo Building. (4 households) 

Section II - Type IV tlang, Pu K. Lalnghinglova te in atanga Pu Zodinliana Hrahsel te in chhuah lam pang tlang bawk, MHIP In telin. (19 households) 

Section III - Vei lamah Pi Zosiampuii Quarters atanga chhuk thlain kawr thleng. Ding lamah Pi Hruaii  Dawr  leh  Pi  Laldinpuii  Quarters  inkar  a  rin  thlaka Pi Vanlalremi In thleng. Thlang lamah Tuikual road Pu Lalrothanga te in thleng. (35 households)

Section IV - Pu Lalvula In leh Pu Sonmuana In inkar thlang lam mual zawng zawng, Tuikual lui thlengin. (24 households)

(Number of Households contained – 82)

Buffer Zone Pu Vanlallawma In atanga tuikual kawng hmar lam zawng
 

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.