No.1739/2021-2022 

Lunglei the 8th August, 2021 – Lunglei SP Pu Rex Zarzoliana Vanchhawng chuan District chhunga lirthei tlan dan tur chungchangah vawiin 8th August, 2021 khan Public Notice a ti chhuak:

 

Deputy Commissioner, Lunglei District, Lunglei in Covid-19 darh zel tur venna atana Partial Lockdown inkaihhruaina dan Order No.B.13018/119/2020/DCLR Dt.08.08.2021 a tichhuah ah lirthlei tlan dan tur  siam tur a min tih angin, Lunglei District chhunga lirthei tlan dan tur chu a hnuaia mi ang hian siam a ni a. He ruahmanna siam ang hian 9th August, 2021 zing dar 4:00 atangin 14th August, 2021 zanlai dar 12:00 thleng a huam ang.

 

I.       LUNGLEI KHAW CHHUNG (TOWN AREA): 

A. Commercial Vehicle: Lunglei khaw chhung a commercial vehicle/ te chu Deputy Commissioner, Lunglei District Lunglei in  inkaihhruaina a siam vide  No.B.13018/119/2020/DCLR Dt.08.08.2021 te zawm chungin a hnuaia mi ang hian tlan dan tur ruahmanna siam a  a ni.

 

1. Good Carrier (Bungrua phur lirthei) te chu Thawhtanni atanga Inrinni thleng an vai in tlan phalsak an ni a, amaherawh chu a hire-tu Hmangtu) ten VLTF ah phalna an la hmasa tur a ni. Dan dinglai angin passenger te an phur tur a nilo. Trip changa stand-ah din phal ani lo.

 

2 Taxi-te chu Thawhtanni atanga Inrinni thleng an vai a tlan phalsak an ni a, registration a seating capacity tarlan bak passenger phurh phal a ni lo.

 

3. Auto rickshaw te a hnuai ami ang hian an tlan phalsak an ni a, registration a seating capacity tarlan bak passenger phurh phal a ni lo.

Sl No

Tlan Ni

Tlan Theite

1

Thawhtanni & Ningani

Motor Number digit tawpa 0,1,2 awm te

2

Thawhlehni & Zirtawpni

Motor Number digit tawpa 3,4,5 awm te

3

Nilaini & Inrinni

Motor Number digit tawpa 6,7,8,9 awm te

 

4. Commercial vehicle passenger phur te an stand ah tumkhatah an stand capacity a 50% aia tam an din phalsak an nilo.

 

5. Passenger phur te hian an motor ah register an kawl tur a ni a, an passenger te hming leh address leh phone number chiang takin an ziak tur a ni.

 

6. Passenger phur chi te hian an veng VLTF te hriatpuina leh phalna lehkha an nei ngei tur a ni.

 

7. Commercial vehicle tlan chhuak tur te hi zing lam dar 5:00AM atanga tlai lam dar 7:00PM thleng an tlan phalsak an ni.

 

8. Chawlhni (Sunday) ah commercial vehicle eng chi mah tlanchhuah phal a ni lo.

 

9. Maxicab service leh khaw kar bus service chungchang chu a chunga Chairman,District Disaster Management Authority & Deputy Commissioner, Lunglei District Lunglei Order tarlan Point No.B.2. in a sawi anga kalpui tur a ni.

 

B. Private Vehicle: Chairman, District Disaster Management Authority & Deputy Commissioner, Lunglei District, Lunglei Order No.B.13018/119/2020/DCLR Dt.08.08.2021 Ruahmanna tarlan anga chhuah phalna neite private vehicle hman phal a ni a, chhuah phalna lehkha (document) duty te enfiah theih turin an keng tur a ni.

 

II. LUNGLEI DISTRICT CHHUNG HMUN DANG

Lunglei Town area pawna awm te tan Chairman, District Disaster Management Authority & Deputy Commissioner, Lunglei District Order No.B.13018/119/2020/DCLR Dt.08.08.2021 ruahmanna zawm chungin lirthei te tlan phal a ni.