No.1738/2021-2022
Aizawl the 8th August, 2021 : Dr. Pachuau Lalmalsawma, SNO, Spokesperson on COVID-19 chuan a hnuaia tarlan ang hian ngenna leh hriattirna pawimawh siam a nih thu a sawi.
Mizorama RT-PCR hmanga sample test kalpui mekah harsatna a awm thut avangin vawiin August ni 8, 2021-a Health Minister hova daktawrte inrawnkhawm chuan COVID-19 positive contact te leh Mizoram pawn atanga rawn haw/zin, RT-PCR sample lak leh test hun tawhte (quarantine lai mekte) chungchangah a hnuaia tarlan ang hian ruahmanna an siam a ni.
1) RT-PCR test hun tawhte chu Rapid Antigen Test (RAgT) hmanga endik rih an ni ang a, negative result nei, COVID-19 symptom nei lote chu quarantine atangin an chhuak thei ang. Amaherawhchu, fimkhur takin an inchik (self-monitoring) reng tur a ni.
2) RAgT hmanga test, negative result nei, COVID-19 symotom nei si te chu test nawn an la ngaih avangin quarantine a awm chhunzawm rih tur a ni.
3) In quarantine lai mek, COVID-19 RTPCR sample lak sak tawh leh ZMC laboratory a test tura thawn tawhte erawh chu RTPCR test kalpui nghal mai a nih dawn avangin RAgT a in test lova, an result chhuah hma lo inkhung hrang rih tura ngen an ni.
