No.2930/2021-2022
Aizawl, 9th November, 2021: Govt. G.M Higher Secondary School, Champhaia National Service Scheme (NSS) Unit-te chuan an Sikul-in kum 25 na a tlin Silver Jubilee (1996-2021) lawmna pualin vawiin khan Blood Bank, District Hospital Champhaia hman turin Arts Block-ah thisen an pe.

He hun hi District Hospital Champhai atangin Dr. Krossnunpuii, Blood Bank Officer, Dr. Lalnuntluanga, MO leh Blood Bank thawktu te’n an telpui a. Govt. G.M Higher Secondary School NSS Unit-te hian thisen unit 51 an pe a, thisen petute hi mipa 31 leh hmeichhia 20 niin, NSS Volunteer Zirlai 49 leh Zirtirtu 2 te an ni.

Govt. G.M Higher Secondary School hi June, 1996 a din a ni a. Tun dinhmunah hian Zirlai 730 leh Zirtirtu 27 an awm mek a. Arts, Science leh Commerce zirna bakah Vocational Course- Horticulture, Health Care leh Computer Technique-te a zir theih a ni.

Silver Jubilee lawmna pual hian tuilakna tha tak Jubilee Tuichhunchhuah Rs 1,20,000/- (cheng nuaikhat leh sing hnih) sengin Sikul tualah an siam a. Souvenir leh Jubilee lungphun buatsaih mek niin, remchang hmasa berah Silver Jubilee lawmna hun an buatsaih dawn a ni.