1972/2022-2023 

Aizawl the 17th September 2022: Vawiin khan Govt. Aizawl, ITI chuan ITI Campus-ah TATA Motors Ltd.(TML) leh HYUNDAI Motors India Ltd.(HMIL)te nena thawhhona thuthlung an siam hawnna hun an hmang.

Thawhhona hawnna hunah hian TATA Motors Ltd.aiawhin ZOTHAN AUTO Works leh HYUNDAI Motors India Ltd. (HMIL) lam aiawh in CK Hyundai lam te an lo kal a,Sawrkar aiawhin LESDE Department Secretary Pu LalramsangaSailo in telpuiin thawhhona thuthlung an ziak a ni. 

TATA Motors leh HYUNDAI Motors aiawhte chuan Govt. Aizawl ITI kaltlanga Mizo Thalai tam zawk ten thiam thil zirna kawnga hmasawnna zau zawk an neih theih nana thawhhona thuthlung an siam thei chu lawmawm an ti hle a, Govt. ITI hmasawn zelna atana theihtawp chhuah zel an inhuam thu an sawi bawk a ni. 

He hun hmanpuitu, Pu Lalramsanga Sailo, Secretary LESDE Dept. pawhin thu sawiin, vawiina an hun hman lawmawm tak chu ITI zirlaite tan hun chhinchhiah tlak tak leh mel lung pawimawh tak a ni a ti a, TATA Motors leh HYUNDAI Motors te Mizo Thalai Thiam thil lama ke pen mek te tana an inpekna leh thawhhona an siampui chu lawmawm a ti hle a, ITI Zirlaite pawhin an hlawkpui leh zual ngei a beisei thu a sawi bawk a ni.

Govt. Aizawl, ITI leh TATA Motors Ltd. hian kum 5 chhung atana inremna siam phawtin hemi hun chhung hian TML hian Machinery leh Equipments thahnem tak ITI hmunah hian dah lutin ITI Zirlai ten anmahni course kalpui lai tibuai lovin TML Training Module an kalpui tel ang a, TML authorized Workshop-ah te ITI Zirlaite ten On the Job Training an kalpui thei dawn bawk a ni. HYUNDAI Motor India Limited (HMIL)  leh Govt. Aizawl ITI te hian kum 4 atan inremna siam bawkin he hunchhungah hian HMIL hian Module leh Cut-Section Model hrang hrangte, unregistered Car te ITI ah an chhawp lut ang a, ITI Zirlai ten Hyundai Motor Dealer leh representatives ah te Practical training  an nei thin dawn bawk a ni.

He thawhhona thuthlung hnuaiah hian Govt, ITI, Aizawlin Class Room leh Practical Room changtlungtak zirlaite tan lo buatsaihsakin, ITI Zirlaite tana a tul anga hman theih turin peihfel nghal a ni.

Attachment

  • Loading attachment...