1848/2026-2027 

Dated Khawzawl, the 18th August, 2026 : Vawiin khan Govt. Khawzawl College-ah Orientation on Career Guidance Cum Mental Health neih a ni.

He hun hi Dr Lalliantluanga Ralte, Secretary, Career Guidance Cell, Gov't. Khawzawl College chuan a kaihruai a, zirlaite hmalam hun atana pawimawh tur hrang hrang hrilhhriatna a nei a, rilru hrisel nei tur chuan taksa a hrisel a pawimawh zia thu te, Gov't Khawzawl College zirlaite'n hna an zawn huna an inbuatsaihna atana pawimawh tur inzirtirna VI semester an nih hunah Mock Interview, Arithmetic, Communication Skills leh Grammar te an zir theihna tur Institution Coaching ruahman a nih mek thu te a sawi.

He hunah hian Ms. Vanmalsawmi, Psycho-Social Counsellor, One Stop Centre, Khawzawl District chu Resource Person ah tangin, zirlai tamtak zingah Depression, Anxiety, Stress a tam zia te, tam tak chuan zah avangin an harsatna an thlen ngamloh thin thute sawiin, harsatna neite tan engtiklai pawha biak theih reng a nih thu a sawi a. Zirlaiten rilru lam harsatna an tawh hrang hrang hmachhawn dan tur a hrilh bawk a ni.

He hunah hian zirtirtu leh zirlai engemawzat an tel a, hun tawp kharnaah Ms. Lalrinmawii Ralte, Member, Career Guidance & Counselling Cell chuan lawmthu sawiin zirlaite chu an zirlai piah lamah nakinah an hma lam hunah eng hna pawh dil dawn se inbuatsaihna tha, taimakna leh beih fan fan a pawimawhzia a hrilh bawk a ni.