Vawiin khan Lawngtlai District Legal Services Authority leh Govt Lawngtlai College-a Geography Department tang kawp buatsaihin Govt Lawngtlai College-ah dan lam inzirtirna (legal awareness campaign) neih a ni.

He hunah hian resource person, Lawngtlai CJM Pu Laldinpuia Tlau chuan zirlaite tana pawimawh dan chi hrang hrang a zirtir a. Pawi lian tham khawiha dan bawhchhia case neite chuan sawrkar hna an thawh theih loh avangin taima taka lehkha zir mai bakah, dikna, rinawmna leh nungchang tha nunpui tlat turin zirlaite chu a fuih a ni.

He programme hi Geography Department-a Asst Professor Dr C.Ramhnehzauva'n kaihruaiin, Asst Professor Pu PC Lalrindika chuan inlawmna thu a sawi a. Political Science Department-a HOD Associate Professor Pu LH Mawia Hnialum chuan thu tawi sawiin, Asst Professor Pu B.Thanlala'n lawm thu a sawi bawk.

He awareness campaign-ah hian college zirlai 180 vel an tel.