Vawiin khan Mizoram State Commission for Women chuan Legal Awareness Programe East Lungdar Thangbura Hall ah an buatsaih a. Pi Vanlalawmpuii Chawngthu, Chairperson Mizoram State Commission for Women leh Hrangturzo Bialtu MLA ni bawk chuan hmanpui.

Pi Vanlalawmpuii Chawngthu chuan Mizoram sawrkar hnuaiah hmeichhiate dinhmun a tha tawh em em in ram hruai tur leh Khawtlang hruai tur pawhin Mizoram sawrkar chuan women reservation a siam sak a. MLA, AMC, LC/VC ah te pawh hmeichhiate awm ve ta in, Ram leh Khawtlang hruaitu atana mipate tih theih ang chu tih theih ve zel tum tur a ni a.Thiltihna apianga phat emaw kep reng nih bik loh tur a ni, a ti a. Nakin zelah hmeichhiate tana Reservation hi a kal zel theih nan hmeichhe thlan tlin te chuan hman tlak nih leh thawh that a pawimawh a, kawng lo sat tu an ni tih kan hriat nawn fo a ngai a ni, a ti a.

Ram siam tur chuan Nu te hi an pawimawh thu leh Pawl-a in hman tam lutuk te hian fate enkawl kawngah a ti hnufum thei a. Fate hi nakina ram hruaitu tur te an nih hrerenga, enkawl kawngah pawh tanla thar zel turin hmeichhiate a chah.

Thusawitu dang Pu T. Lalnunsiama, Advocate & Legal Cell member Mizoram State Commission for Women chuan thusawiin, ram danga hnathawk tura thalaite inthawn chungchangah fimkhur a tul hle tiin, Phai lama zirna Ieh kutthiam thil zirna lama kal te pawhin hmun him an thlan thiam a tul a, Prevention of Children from Sexual Offences Act 2012 hnuaiah kum 18 tling lo naupangte chu mipat hmeichhiatna lama hleilenna chungchangah ven tlat an nih thu sawiin tawngkama invehthlem ringawt pawh lung in tan theihna hial a niin, In chhungkhura hmeichhiaten an chenpuite atanga diriamna an tawk a nih chuan an himna turin Protection of Women From Domestic Violence Act, 2005 hnuaiah dan anga zualko theih a ni a ti.

He awareness programme ah hian School naupangte, MHIP hruaitute bakah khawtlang hruaitu mi thahnem tak an tel a ni.