Vawiin khan Govt. Mamit High school-ah District Education Office Mamit buatsaihin Swachhata Pakhwada(Hapta hnih chhunga faina kawnga hmalakna) hman ani a, Pu Bhupesh Chaudhary IAS District Bawrhsap chuan khuallian niin a hmanpui.

 He hun-ah hian District Bawrhsap Pu Bhupesh Chaudhary chuan thusawina hun neiin  Faina hi zirna nen lakhran theih anilova, kan hriselna nen a inzawm tlat ani ati a, kawthalo natna hri kan vei thinte hi faina kan ngaihpawimawh loh vang ani a, India ram a naupang za zel a sawmpali hian faina kawnga kan inthlahdah vangin natna  kan vei thin a, taksa a hrisel loh chuan zirna kawngah pawh hma kan sawn theilo a ni tiin ram changkang zawk leh thianghlim zawk kan neih theihnan  faina kawngah hma kan sawn zel angai a, vawiin kan hun hman hi ahlawhtlin nan theihtawp i chhuah ang u tiin zirlai naupang kal khawmte chu a sawm a ni, tunah hian faina kawnga hma kan sawn zel theihnan sikul tinah ekin tha tak dah vek tur a hmalak mek ani a ti bawk.

He hun hi Pi Lalnunthari District Education Officer Mamit, chuan kaihruaiin Pu.Hmartawnluaia Headmaster i/c Govt. Mamit High School kaihhruaina-in kalkhawm ten faina kawng a hmala tura thutiam chhamrualna an nei a, Pu.Lalsailova DPC SSA chuan lawmthu sawina a nei bawk, he hunah hian Mamit khawpui chhunga High school hrang hrang a zirlaite an tel a, hehun hman zawh hian zirlai kalkhawmte hian Mamit khawpui chhung a khawlai bawlhhlawh an chharfai nghal ani.

Attachment

  • Loading attachment...