No.764/2021-2022

Dated Kolasib: The 1st June, 2021: Kolasib District chhunga Govt. Quarantine Centre leh Covid Care Centre (CCC) a awmte thil inpek chungchanga order awm tawh her danglamin a hnuai ami ang hian inkaihhruaina siam a ni a. Hei hi quarantine/isolation a awm mekte nen in-contact loh nan leh ruihhlo/dan phal loh thil inpek awm thei ven nana siam a ni. He thupek hi order chhuah atanga thuleh awm hma chu hman tur a ni ang.

A. Thil pe turte hriat tur:

1. Thil pek hi a tul tawp a nih loh chuan phal a ni lo.

2. Thil pe tur reng rengin an thil pek list siam vek tur a ni. Chung an thil pek turte chu eng nge a ni tih hriat theih turin security hmaah lang thei in an dah tur a ni.

3. Emergency thil a nih loh chuan zanah thil in pek phal a ni lo.

B. Security/Medical duty te mawhphurhna:

1. Security duty-ten register an vawng tur a ni a. An register-ah hengte hi an chhinchhiah vek tur a ni.
a. Thil petu hming, address, contact number
b. A thil peka hming
c. A thil pek item zawng zawng

2. A tul a nih chuan Security duty-ten an thilpek tur chu a lo kengtute an phelh darh tir thei ang.

3. Security duty-ten an register hnuah Medical duty ten heng thil pek turte a bikin damdawi leh eitur chi reng reng mihring tana him lo leh tha lo a awm leh awm loh an enfiah hmasa phawt tur a ni ang.

4. Medical team-ten an riah chilh lohna quarantine centre-ah chuan Security duty-ten Medical team-te enfiah turin an hriattir ang a, Medical team-ten an enfiah hnuah chauh in-mate te hnenah pek thin tur a ni.