No.4421/2021-2022

Aizawl; the 28th March,2022: Vawiin chawhma khan District Bawrhsap Pu Lalsangliana chuan amah office chamber-ah District Green Champion Certificate chu Gov't Saiha College aiawhtu an Principal Prof.Addul Hanna Barbhuiya hnenah a hlan.

He District Green Champion hi Department of Higher Education of the Ministry of Education,GoI hnuaia Mahatma Gandhi National Council of Rural Education ten DC office kaltlanga kum 2021-2022 chhunga Swachhta Action Plan hnuaia heng: Sanitation,Hygiene,Waste Management,Water management, Energy management leh Greenery Management-a thawk tha te hnena a hlan a ni.He District Green Champion hian Certificate bakah incentive cash prize Rs.5000/- a keng tel a ni.

He Champion Certificate inhlanna programme tawi-ah hian thu sawiin, Siaha DC Pu Lalsangliana chuan, Gov't Saiha College in hetiang lawmman a dawng hi ropui ka tiin, ka chhuangin ka lawmpui tak zet a, hmalam hunah pawh hetiang lawmman dawng hian Siaha district chawimawi zel turin ka ngenin, duhsakna ka hlan bawk a ni, a ti.

GSC Principal Prof.Abdul Hanna pawhin thu sawiin, DC kaltlanga hetiang lawmman kan dawng hi kan lawm tak zet a, he lawmman kan lak theih nana thahnem ngai taka thawktu GSC staff leh student te, a bik takin National Service Scheme( NSS) leh an co-ordinator Associate Prof.Laltlanchhunga te hnenah lawmthu ka sawi tak zet a ni, a ti.