2444/2022-2023
Aizawl the 27th October 2022 : Govt. Venghlui Middle School chuan vawiin ni 27 October hian ni hnih awh tur science exhibition a buaitsaih.

He huna khuallian, Dr. Lalzirmawia Chhangte, Secretary, School Education chuan sikul pakhat in an mahni sikul bil a hetiang exhibition an buaisaih thei hi lawmawm a tih thu sawi a. Naupangte chu eng dinhmun atang pawh in mi hlawhtling tak an ni thei a ni tiin a fuih a, sikul tam zawk in hetiang a an hmalak na hi entawn in hma la ve thei se tha a tih thu a sawi.

SCERT Director Pi. Laldawngliani Chawngthu pawhin thu a sawi a. SCERT hnathawh zawng zawng chu naupangte leh zirtirtu te tan a nih thu sawi in, zirlaibu mil a exhibition buatsaih hi a bultanna dik tak a ni a, thil awmsa kan zir ang a, thil thar kan hmuchhuak dawn a ni a ti. T pathum pawimawh tak, taimak, thawhrim leh thawh hma a bultan tha turin naupangte a fuih bawk.

He science exhibition hi Govt Venghlui Middle School sikul naupang te pual a an sikul in a siam a ni a, zirlai naupang te chuan exhibit model 50 chuang an pho lang.

He exhibition chhim tur hian Govt Venghlui Middle School chuan an chhehvel a sikul te sawm in zirlai naupang thahnem tak in an chhim a, Elementary zirlai mil a exhibition buatsaih a nih avangin naupang tam tak in an hlawkpui hle turah ngaih a ni.