2443/2022-2023
Aizawl, the 27th October 2022: Dr Lalhriatzuali Ralte, Aizawl District Bawrhsap chuan Retailer te buhfai sem dan a endik a. Retailer ten buhfai leh thildang pds kaltlanga mipui hnena sem hna an thawk tha em tih a endik a ni.

Akam lawmna kal zelah Dept of Food & Public Distribution, Government of India hmalaknain India ramah fair price shop(retailer te buhfai semna) 5000 vel tlawh chhuah runpui neih mek a ni a. Aizawlah pawh Bawrhsap chuan retailer 3 te a tlawh a, central lam atanga format duan sa hmangin endik hna a nei nghal a ni.

Endikna hmunah hmunhma, quality control leh service delivery te pawh en nghal a ni. Hmalakna tur te pawh sawi ho a ni a. Mipui tana hmuh awlsam turin vigilance committee member list leh complain thehluhna tur remchang siam turin Bawrhsap chuan retailer te chu a hriattir bawk a ni.